Күні кеше ғана елордамыз Нұр-Сұлтан қаласында ҚР Білім және ғылым министрлігінде кеңейтілген коллегиялық жиналыс өтті. Алқалы жиынға министрлікке қарастын ғылыми мекемелер, оқу орын басшылары қатысып, көкейде жүрген ойларын ортаға салды.
Алқалы басқосуда алдағы уақытта отандық ғылымға, ғылыми-зерттеу институттарына және жекелген ғалымдарға қандай қолдау көрсетілетіне сөз болды. Қазақстан ғылымын мемлекеттік қолдаудың жаңа кезеңге аяқ басқанына куә болдық.
Кеңейтілген коллегиялық жиналысқа қатысып, сөз сөйлеген «Ұлттық мемлекеттік ғылыми-техникалық сараптама орталығы» АҚ президенті Әділ Ыбрааев мемлекеттік қаржыландыруға ұсынылатын ғылыми жобалардың қалай сұрыпталып, бағаланатынын ғылыми ортаға кеңінен әңгімелеп берді.
Орталық басшысы Ұлттық ғылыми кеңестің нормативтік-құқықтық базасына өзгерістер еніп, кеңес мүшелері өзгергенін де алға тартты. Сонымен қатар алдағы уақытта мемлекеттік қаржыландыруға ұсыналатын ғылыми жобаларды сұрыптау мен бағалау мейлінше мөлдір, ашық болатынын да жеткізді.
«ҰМҒТСО» АҚ Қоғаммен байланыс бөлімі

2644