М.Ә. Айтхожин атындағы молекулярлық биология және биохимия институтының профессоры, б.ғ.д. Т.С. Балмұханов гендердің құрылымдық-қызметтік байланысын молекулярлы-генетикалық зерттеді деп хабарлайды «ҰМҒТСО» АҚ Қоғаммен байланыс бөлімі.
Зерттеу барысында қазақ және орыс этникалық топтарынан сүт безі қатерлі ісігімен ауыратын емделушілердің және еш жері ауырмайтын қатысушылардың ДНҚ үлгілері зерттелді. Сүт безі қатерлі ісігімен ауыратын емделушілер мен донорлардың мәліметтер базасы, қан үлгілері арқылы ДНҚ банкі құрылды. Осылайша этникалық топтардан алғаш рет Қазақстанда FGFR2, FOXP3, ТОХЗ, XRCC1, ТР53, ERCC2, ERBB2, CCND1, LSP1, ESR1, MDR1 сәйкес гендер жиілігі және генотиптерінің таралуы туралы мәліметтер алынды. Тәжірибелік медицинада маңызы зор қажетті сүт безінің қатерлі ісігінің болжамдық маркерлері ұсынылды.
Зерттеу аясында «Ранняя диагностика и определение предрасположенности к раку молочной железы у населения Казахстана на основе молекулярно-генетических маркеров» тәжірибелік нұсқаулық жарық көрді. Тақырып бойынша 17 мақала жарық көрсе, оның 8-і шетелдік басылымдарда жарияланған және ҚР 6 Патентін иемденген.
Жоба нәтижесі бойынша ендігі жерде қатерлі ісікке бейімділігі жоғары сүт бездеріне алдын ала диагностика жасауға болады.

«ҰМҒТСО» АҚ
Қоғаммен байланыс бөлімі