Д.В. Сокольский атындағы отын, катализ және электрохимия инстиуты ғалымдары кадмий мен селеннен қуат көзін өндіретін фотоэлектрлік зат алды, – деп хабарлайды «Ұлттық ғылыми-техникалық ақпарат орталығы» АҚ Баспасөз қызметі.
Ғылыми-зерттеу институты ғалымдары бұл жұмысты Белорусь мемлекеттік университетіндегі әріптестерімен бірлесіп атқарғанын айта кетуіміз керек. Зерттеу жұмысына институттың ғылыми қызметкері, PhD доктор К.А. Оразов жетекшілік жасаған.
Ғылыми жұмыстың басты мақсаты – CdSec сымының микронанолық дәрежедегі өлшемінің стехиометриялық құрамдарын бір-біріне жалғаудың арзан жолын табу болатын. Өз кезегінде ғалымдар электрохимиялық және химиялық тәсілдерге сүйеніп, күн көзінен қуат алудың тиімді тәсілін тапқан.
Қазақ-белорус ғалымдарының тізе қосып іске асырған жобасы алдағы уақытта түрлі электр құрылғылар өндіру ісіне пайдаланып, қуат көзін үнемдеуге кеңінен жол ашатын болады.