Оңтүстік Кореяның Дэджон қаласында өткен «Жас ғалым» байқауынан павлодарлық шәкірттер жүлделі оралды, деп хабарлады білім басқармасының бас маманы Балжан Әділханова.
Павлодар облысының намысын ғылыми жобалар байқауының облыстық және республикалық кезеңдерінің 5 жеңімпазы мен жүлдегері қорғады. Оңтүстік Кореяда павлодарлық зияткерлер үш жүлделі орынға ие болды.

Дарынды қыз балаларға арналған қазақ-түрік лицей-интернатының 11 сынып оқушысы Сабина Сқақова мен Екібастұз қаласының С.Торайғыров атындағы № 22 мектеп-гимназиясының 11 сынып оқушысы Серік Ғабит II дәрежелі дипломға ие болды.

Абай атындағы № 10 мектеп-лицейінің шәкірті Әзиза Сыздықова III дәрежелі диплом иегері атанды.

Дереккөзі: inform.kz